Westerwolde verlus de bekerwedstried teegn VAKO deur een scheidsrechterleke dwoaling vief minuutn veur het henne mit 2-3. Westerwolde begon nait goud aan de wedstried en ston noa een kwartaier mit 0-2 achter. Goande weg de eerste helft kreegn ze greep op de wedstried en bie rust ston het 2-2. Noa de rust het Westerwolde genog kanzn um de wedstried in hun veurdail te beslisn. Mor in de 85e minuut doch de scheids doar anders over.
De doelpuntenmoaker van VAKO ston zeker 2 meter boetnspel. De grensrechter van Westerwolde vlaagde, mor de scheids ston op 30 meter en het was dus veur um nait te zain. Mor beslisde veur een geldege goal. Dizze wedstried bewees weer dat je mit een grote portie vechtlust heul wiet kenn komm. Dizze teegnstander stait op een gedailde tweide ploats in de daarde klas. Jammer, mor volgnde weke thoes teegn Bato is veul belangrieker.
Show Comments (0)